واعترفت الفنانة هدى الإتربي، بأنها كانت على علاقة بمنتج من أهم المنتجين على الساحة، مواصلة: “اتخطبنا، وعشنا قصة حب، وقبل فرحنا بأسبوع حصل مشكلة كبيرة بسبب الشغل بتاعي وسيبنا بعض، رغم إن فستان فرحي متعلق وبيتي مفروش ودعوة فرحي اتبعتت للناس كلها”.
وبكت “الإتربي”، أثناء حديثها قائلًة: “أصبت باكتئاب، وقعدت أتعالج منه، وسبب الانفصال هو إنه مكنش قادر يتعامل مع المشاكل اللي كانت هتواجهنا في الشغل، وكان أي مشكلة بتحصل بنلاقي نفسنا إحنا الاتنين أطراف فيها قدام بعض”.
وتابعت الفنانة: “سبب المشكلات هو عدم تصالحه مع فكرة أنه هيرتبط بممثلة رغم أنه منتج وابن المجال، وقبل فرحنا بأسبوع حصل مشكلة”
وأضافت: “لم تكن الأولى ولا الأخيرة بسبب عملي، ووجدنا نفسنا ضد بعضنا البعض رغم أنه لم يكن طرفا فيها، وطلب مني اعتزال التمثيل، لأنه سيتسبب في مشاكل في حياتنا”
واستكملت: “قلت له إنت جاي تكتشف ده قبل فرحنا بأسبوع! وقالي يا الشغل يا الجواز، قلت له مش هقدر أرد، أنا عندي التزامات، فقولت له يا تسيب الشغل يا تسيبني، فقال لي أنا اعتبرت إنك بعتيني، ومشي وكمل حياته وتزوج، وبعدها توفى”.
وأضافت هدى الإتربي: “كنت بحلم بيه في الفترة اللي سيبنا بعض فيها، وكان دايما يقولي حقك عليا متزعليش، وأنا ظلمتك، وأقول إني سامحته ولا أشعر بالغضب منه، رغم أنه لم يقل لي هذا الكلام وهو على قيد الحياة”.