كشفت المذيعة آلاء عبد العزيز عن تفاصيل حالتها الصحية خلال الفترة الأخيرة، بعد تعرضها لأزمة نفسية أثارت الجدل على مواقع التواصل الاجتماعي.
وفي تصريحات صحفية، أكدت آلاء أن ما تمر به ليس “ثنائي القطب” أو “فصام”، موضحة: “التشخيص عند الدكتور نبيل عبد المقصود، بس مش هقدر أصرح بيه، هي حالة مرضية، وده اللي أقدر أقوله”.
وأضافت: “أنا اللي طلبت العلاج، وكنت محتاجة ده من جوايا. لما طلعت أقول الحقوني، كنت بقولها بإرادتي.. الإعلامية ريهام سعيد كلمت الدكتور نبيل عبد المقصود، وفعلاً متأخروش، وجيت المستشفى بكامل إرادتي”.
أما عن يومها داخل المستشفى، فقالت: “بصحى أقرأ في المصحف وأي حاجة بحبها.. وباخد جلسات علاج نفسي.. وكمان بتمشى في الحديقة”.
وتابعت أنها جاءت للمستشفى برفقة والدها، وبالتنسيق مع ريهام سعيد والدكتور نبيل عبد المقصود.
عن حالتها النفسية، أوضحت: “أنا كنت مش أنا.. كان في صراع بين شخصيتين جوايا.. آلاء وليلى.. واحدة ملتزمة، والتانية عايزة تتحرر. الاتنين كانوا ضد بعض.. لما جيت هنا، اتصالحوا.. بقيت شخصية واحدة، واخدت الحلو من كل حاجة”.
واختتمت حديثها قائلة: “أنا بخير دلوقتي، والحمد لله، ده كان درس كبير، وأتمنى الناس تفهم إن أي حد ممكن يمر بظروف نفسية صعبة.. المهم يكون في قبول ورغبة في العلاج”.