الدولار سعره هينزل، والجنيه المصري وقته جاي، وهتحصل تحولات جزرية في سعر الصرف.. ياتري اية المؤشرات اللي بتقول أن سعر الدولار هينزل الفترة اللي جاية.. واية الدوافع اللي هترفع سعر صرف الجنيه المصري.
برنامج الأقتصاد المصري واللي الحكومة بدأت تنفذه بالتعاون مع عده جهات دولية، اثبت نجاحه وأكده الأرقام والمؤشرات واللي أكدت ان التضخم انخفضت لاقل مستوياته من فترات بعيدة، أن اللي جاي هيكون الاقتصاد المصري فيه افضل وأفضل بفضل الجهود الكبيرة اللي قامت بيها الحكومة علي مدار الشهور اللي فاتت لتنويع مصادر الدخل الدولاري من الخارج، وتشجيع الصناعة ونفاذ الصادرات المصرية علشان توصل لكل دول العالم، وطبعا الهدف معروف وهو زيادة حصيلة مصر الدولارية من الصادرات.
الدولار في الوقت الحالي اخذ اكثر من ضربة هتؤدي علي المستوي القريب لانخفاضه بشكل كبير ، ودي هيدي دفعه كبير لعملات تانية في السوق علشان ترتفع وتكون هيا الحصان الأسود والانحفاض اللي هيحصل ده بالتأكيد هيدي دفعه قوية لسعر صرف الجنية المصري.
طيب اية المؤشرات اللي بتقول أن سعر صرف الدولار هينخفض في الفترة اللي جاية؟.
حاليا في حرب تجارية كبيرة جدا موجودة بين الولايات المتحدة الأمريكية والحكومة الصينية بسبب الرسوم الجمركية، وده بعد القرار الأمريكي الأخيرة بزيادة الرسوم الجمركية علي الورادات الصينية إلي 245%، والرد الصيني اللي صدر من السلطات الصينية والتحركات الكبيرة اللي قام بيها علي مدار الشهور اللي فاتت لتكوين جهة قوية ضد القرار الأمريكي.
الرئيس الصيني شي جين بينغ خلال الأيام اللي فاتت بدأ جولة أسيوية بدول جنوب شرق آسيا لتكوين جهة اقتصادية كبيرة من الدول المتضررة من قرار الرئيس الأمريكي دونالد ترامب والخاص بفرض رسوم جمركية علي البضائع والسلع اللي بتدخل السوق الأمريكي، خصوصا ان الرسوم الجمركية الأمريكية الأخيرة والرد الدولي عليها هيرفع سعر السلع الأمريكية في الأسواق الخارجية وده هيؤدي لتراجع الطلب عليها بسبب ارتفاع سعرها، وهنا الطلب هيرتفع علي السلع المحلية واللي هيا هتكون الأرخص، وده هيعزز نمو الاقتصاد المحلي في البلاد.
التحركات الاقتصادية العالمية اللي بتحصل في عدد كبير من دول العالم واللي كل هدفها تكوين جهة قوية ضد هيمنة الدولار هتخلي سعره ينخفض بشكل كبير في الفترة اللي جاية قدام العملات الأجنبية الرئيسية التانية زي اليورو والجنيه الإسترلينى والين اليابانى خصوصا أن عدد كبير من دول العالم اطلقت دعوات للتبادل التجارى وتسوية المدفوعات الدولية بالعملات المحلية بديلا للدولار.
الحرب التجارية العالمية اللي بتحاول الصين تشكلها دولوقتي بدأت بإعلانها توجيه دعوة للبنوك اللى بتملكها للحد من شراء الدولار الأمريكى وتوسيع التعامل بباقي العملات الأجنبية، وفي حالة وجود استجابة دولية للنداء الصيني، فسعر الدولار هينخفض بشكل حاد في الأسواق، وبالتالي ده هيدي دفعه قوية لباقي العملات الأجنبية للظهور وده هيعزز سعر صرف ومكانة الجنية المصري من جديد.