جومانا مراد عن كواليس مسلسل اللون الأزرق: اكتشفت عوالم كاملة بعيدة عننا مليانة مشاعر

تحدثت الفنانة جومانا مراد عن تجربة بطولة مسلسل اللون الأزرق، معربة عن سعادتها بالمشاركة في العمل.

كتبت جومانا مراد في منشور عبر حسابها الرسمي بموقع انستجرام: “خلال تحضيرات لمسلسل اللون الأزرق واللي كنت فيه بعيش تفاصيل أم لطفل عنده توحد اكتشفت قد إيه في عوالم كاملة ممكن تكون بعيدة عننا بس مليانة مشاعر وتحديات يومية حقيقية”.

وتابعت: “التجربة دي مكنتش مجرد تمثيل، كانت محاولة لفهم حجم المسؤولية، والصبر، والالتزام اللي بيتطلبه الطريق ده كل يوم.. تفاصيل صغيرة جدًا في عين الناس، لكنها في الحقيقة خطوات كبيرة، ونجاحات تستحق التقدير ولفت نظري قد إيه في قوة هادئة عند كل أم بتعيش الرحلة دي”.

وأضافت جومانا مراد: “قوة بتظهر في الاستمرارية، في المحاولة، وفي الإيمان إن كل خطوة حتى ولو بسيطة ليها معنى وتأثير، التجربة دي خلت عندي تقدير أعمق لكل أم بتخوض التحدي ده يوميًا، وبتقدم مجهود حقيقي يمكن ما يكونش ظاهر للناس، لكنه فارق جدًا في حياة أطفالها”.

واختتمت: “التجربة دي خلت عندي تقدير أعمق لكل أم بتخوض التحدي ده يوميًا، وبتقدم مجهود حقيقي يمكن ميكونش ظاهر للناس، لكنه فارق جدًا في حياة أطفالها، كل الاحترام والتقدير لكل أم بتحاول، وبتتعلم، وبتكمل رغم أي صعوبات”.