تامر حبيب يشيد بمسلسل أشغال شقة جدا: يارب تبقى أشغال شاقة مؤبدة

أشاد السيناريست تامر حبيب، بأول 6 حلقات من مسلسل «أشغال شقة جدا»، حيث كتب عبر حسابه على موقع «فيسبوك»: «أما أنتم، فأنا بجد مش عايز أفكر في اليوم اللي مش هاشوفكم فيه بعد الخمستاشر حلقة ما يخلصوا، طيب ومين هايبهجني؟ مين هايخليني أكركع على روحي من الضحك ومن قلبي؟ مين هايخليني أحترم ذكاءه وموهبته وعدم استسهاله واحترامه ليا كمشاهد؟».

وتابع تامر حبيب: «مين هايخليني أستناه زي الطفل كل يوم وأبقى مش عايزه يخلص ويسيبني أبدًا؟ مين اللي هايخليني أحترمه أكثر وأحبه أكثر وأقدره أكثر لما ألاقيه ذكيًّا وسويًّا وفاهم يعني إيه كوميديا راقية، وأن لما كلنا يبقى عندنا مساحات نضحك مش البطل بس، كل ما كلنا وعلى رأسنا البطل ما هاننجح أكثر ونؤثر أكثر ونتصدر أكثر؟ اليوم هايعدي عليا إزاي من غير طلة عربي أعظم clumsy في العالم؟ إزاي اليوم هايكون دمه خفيف وطعمه حلو من غيركم كلكم كلكم بدون أدنى استثناء؟ يا رب يا رب بحق دي الأيام المفترجة تبقى أشغال شقة مؤبدة».

مسلسل «أشغال شقة جدا» من بطولة هشام ماجد، أسماء جلال، شيرين، سلوى محمد علي، مصطفى غريب، محمد عبد العظيم، أحمد عبد الوهاب، وآخرين، ومن تأليف خالد دياب، وشيرين دياب، وإخراج خالد دياب.