هالة صدقي: بدل رقص مسلسل إش إش محتشمة

الأربعاء، 05 مارس 2025 11:18 ص

3/5/2025 11:18:38 AM

حرصت الفنانة هالة صدقي بالرد على منتقدي مسلسل “إش إش”، بسبب مشاهد وبدل الرقص، وذلك خلال مداخلة هاتفية في برنامج”إحنا لبعض” مع الإعلامية نهال طايل عبر فضائية “صدى البلد”.

وقالت هالة صدقي:” : “بدل الرقص كلها مقارنة بمسلسلات كتير محتشمة جدا، مش خليعة ومفيش حاجة باينة من أي حد، لإن مش هو ده موضوع المسلسل، المسلسل بيركز على الحياة الاجتماعية ومن ضمنهم مجال راقصات اللي إحنا منعرفش عنه حاجة”.

هالة صدقي في مسلسل إش إش

وتحدثت عن شخصيتها في المسلسل، قائلة: “”شادية” كانت بتحب جوزها في الأول لكن بسبب أنه صدها كتير بقت ست عملية مش شريرة هي عايزة تعمل فلوس لأولادها لأنها ضيعت عمرها وشبابها مع جوزها وشايفه أن الفلوس دي حقها، لأنها سرقت الفلوس معاه من الأول فحاسه أن دا حقها”.

وتابعت : “محمد سامي لا يقل عن المخرجين الكبار زي يوسف شاهين وعاطف الطيب، اللي بيحب شغله وعايز من أبسط واحد لأكبر واحد يبقى حاسس بأهمية العمل اللي بيعمله هو ممكن يتعصب زي باقي البشر أنه ميلاقيش الناس دي على نفس القدر، هو بيحب الحاجة مظبوطة وعايز الإنسان اللي قدامه جاهز وحافظ ومقدر المجهود اللي بيعمله”.

مسلسل “إش إش”

مسلسل “إش إش” من بطولة مي عمر، ماجد المصري، انتصار، إدوارد، هالة صدقي، دينا، شيماء سيف، طارق النهري، عصام السقا، علاء مرسي، محمد الشرنوبي، ندى موسى، إيهاب فهمي، حمدي هيكل، أحمد عبدالله، وعدد من ضيوف الشرف وهم: محمد ممدوح، خالد الصاوي، كريم فهمي، محمد عبدالرحمن، أحمد زاهر، والعمل من تأليف وإخراج محمد سامي.