“بحب ولد وهو ما يعرفش.. إيه التصرف الصحيح؟”.. سؤال فتاة ونصي

10:48 م


الإثنين 03 مارس 2025

كتب – علي شبل:

ضمن برنامجه الرمضاني “نور الدين والدنيا”، عبر فضائية cbc، تلقى الدكتور علي جمعة، المفتي الأسبق وعضو هيئة كبار العلماء في الأزهر الشريف، سؤالا من فتاة قالت فيه أنا في مرحلة الكتمان.. بحب ولد بيني وبين نفسي، وهو ما يعرفش.. إيه التصرف الصحيح اللي أعمله؟

في البداية حذر جمعة الفتيات من التصريح بالحب للشباب، مؤكداً أن هذا مخالف لطبيعة الأنثى، وهي طبيعة جميلة، ويجب الحفاظ عليها، وفي رده على الفتاة قال: خليها بينك وبين نفسك وترصَّدي ما يحدث في المستقبل.. هاتعملي إيه؟ ها تتصلي بيه وتقولي له بحبك؟! انتي مش قادرة تقوليها، لأن البنات خلقن على إن الشباب هم اللي يقولوا لهن بحبك، فانتي مش هاتقدري تصارحيه، ولا تقولي له بحبك. طبيعتك كده، وهي طبيعة حلوة.. لكن ربنا بيقول: “فصبر جميل والله المستعان على ما تصفون”، وندعي ربنا: يارب وفقني له.. يارب حنن قلبه عليا.. يارب خليه يلتفت إليَّ.

وفي رده على سؤال فتاة أخرى تقول: لو فيه ولد اعترف لبنت إنه بيحبها، وهي حاسة بمشاعر ناحيته، وراحت قالت لأهلها وهم رفضوا، وأمها قالت لها: انتي لسة صغيرة، فهل الحب بالسن؟

ليرد علي جمعة قائلًا: لا، الحب مش بالسن.. بس هي قالت لها: عايزة أتجوزه؟ لو قالت لها: بنحب بعض، يبقى لازم الأم تستوعب هذا، وتجعل هذا في حد الإعلان، والعفاف، وإدراك الواقع.. ولكن لو الأم رفضت واستخدمت “الشبشب”، يبقى نتحول إلى الكتمان، ونلتزم بالعفاف.

اقرأ أيضاً:

4 فتاوى عن الجماع في نهار رمضان وتكراره وحكم الكفارة.. تكشف عنها الإفتاء

احتلمت في نهار رمضان فهل عليَّ القضاء؟.. الإفتاء تجيب

أمين الفتوى يرد على طفل: تأخير الصلاة بسبب اللعب حرام ويُفوّت فضلها

كيف يكون الكون كله أمام الله؟.. علي جمعة يوضح فى بودكاست قناة الناس