وجه النجم أحمد سيد زيزو رسالة غاضبة ومباشرة، وذلك بعد تعرضه لموجة من الانتقادات اللاذعة خلال الفترة الأخيرة. وقد شارك زيزو هذه الرسالة المطولة عبر خاصية “الاستوري” على حسابه الرسمي بمنصة إنستجرام.
رسالة زيزو: سؤال يطرح نفسه حول قيمة التنمر والسباب
بدأ زيزو رسالته بسؤال واحد يلح عليه: “السؤال الوحيد والأوحد اللي مش عايز يطلع من دماغي ونفسي ألاقي له إجابة! هو بجد يا حد يخوض في عرض الناس ويقعد يشتم فيهم ويسب ويتنمر و و و دا بيروح عليه بإيه؟!”
وتابع متسائلاً عن المكاسب الحقيقية للمنتقدين والمتنمرين: “هل بيروح البيت يلاقي بيته اتغير؟ طيب بيبص تحت بيته يلاقي العربية اللي نفسه يجيبها؟ طيب ولاده وصلوا للمكانة اللي بيتمناها؟ طيب عيش أبوه وأمه في حاجة يستحقوها؟” مؤكداً أنه لا يستوعب هذا السلوك.
واستطرد زيزو في رسالته، مخاطبًا من يسيئون للآخرين: “بلاش أنت بقى اللي بتخوض في عرضه ده وبتشتمه وبتتنمر عليه، بيحصل بعد ما بتعمل كده شغال نفس الشغلالة دي؟ بتصحى تاني يوم بقيت طبيب والعربية حياتكم يعني اتغيرت؟! الإجابة لا!!”.
واختتم رسالته بنصيحة هامة وموجهة: “طيب ليه بتعمل كده، عمال تكبر وتكثر ذنوبك والله أعلم هتعرف تسامحهم ولا لا ومفيش حاجة على أرض الواقع بتتغير بعد الشتيمة دي كلها!! الناس بتشتم في كل الناس اللي فجأة مقفوش حواليك؟ دي مش حاجة تخليك تقف! تخليك تفكر أنا بعمل كده ليه وعشان إيه؟ فكر كويس عشان والله ما في حاجة مستاهلة، اعرف إن رزقك كده كده ربنا كاتبه لك وأنت بتختار الطريقة اللي يجبهالك بيها الرزق دا، خليها دايماً طريقك كويسة وافتكر دايماً إنها مش دايمة، صباحكم جميل.”
تطورات ملف شكوى الزمالك ضد زيزو: جلسة استماع قريبة
على صعيد آخر، قررت لجنة شؤون اللاعبين بالاتحاد المصري لكرة القدم، عقد جلسة استماع لمسؤولي نادي الزمالك بخصوص شكواهم الموجهة ضد اللاعب أحمد مصطفى “زيزو”.
وقد أبلغ اتحاد الكرة مسؤولي القلعة البيضاء بتحديد يوم 14 يوليو الجاري موعداً لجلسة الاستماع هذه أمام لجنة شؤون اللاعبين، وذلك فيما يتعلق بالشكوى المقدمة من النادي ضد اللاعب أحمد مصطفى “زيزو”، الذي وصفته الشكوى بلاعب الفريق السابق والأهلي الحالي.
كواليس الشكوى التاريخية من الزمالك ضد زيزو
وكان نادي الزمالك قد تقدم في وقت سابق بشكوى رسمية أمام لجنة شؤون اللاعبين ضد أحمد مصطفى “زيزو”، بسبب انقطاعه عن تدريبات الفريق لمدة بلغت حوالي 25 يوماً تقريباً. الجدير بالذكر أن لجنة الانضباط باتحاد الكرة كانت قد قضت بعدم اختصاصها بالنظر في هذه الشكوى، ليتم تحويلها لاحقاً إلى لجنة شؤون اللاعبين.
توضيح هام: لا شكوى من زيزو ضد الزمالك
في سياق متصل، أكدت مصادر مطلعة أن نادي الزمالك لم يتلق أي إخطار رسمي بوجود شكوى من اللاعب أحمد مصطفى “زيزو” ضد النادي، وذلك على عكس ما تردد من شائعات في الساعات القليلة الماضية.