أحمد سيد زيزو، نجم الفريق الأول لكرة القدم بالنادي الأهلي، يوجه رسالة قوية وحاسمة عبر “ستوري” حسابه على انستجرام، وذلك في رد مباشر على موجة الانتقادات والتنمر التي تعرض لها مؤخراً.
رسالة زيزو الصادمة: ما الهدف من التنمر والانتقاد؟
في مستهل رسالته، طرح زيزو سؤالاً جوهرياً يعكس حالة من الدهشة والاستغراب، قائلاً: “السؤال الوحيد والأوحد اللي مش عايز يطلع من دماغي ونفسي ألاقى ليه إجابه! هو بجد لما حد يخوض في عرض الناس ويقعد يشتم فيهم ويسب ويتنمر، دا بيعود ولا بيرجع عليه بإيه!”. وتابع زيزو تساؤلاته التي تستهدف كشف عبثية هذه الأفعال: “هل بيروح البيت بيلاقي بيته اتغير، طيب بيبص تحت بيته بيلاقي العربية اللي نفسه يجيبها؟ طيب ولاده وصلو للمكانة اللي بيتمناها؟ طيب عيش أبوه وأمه في حاجه يستحقوها! مش قادر استوعب فعلا الموضوع”.
زيزو يتساءل: هل حياة المتنمر تتغير بعد الشتائم؟
وأكمل لاعب النادي الأهلي، أحمد سيد زيزو، موضحاً أن أفعال الشتائم والتنمر لا تحقق أي تغيير إيجابي في حياة المتنمر عليه: “بلاش أنت، هل اللي بتخوض في عرضه دا وبتشتمه وتتنمر عليه بيصحي بعد شتيمتك دي مش شغال نفس الشغلانه؟ معندوش نفس البيت؟ طب والعربية؟ حياتكو يعني اتغيرت؟ الإجابة لا!!”. ليختتم هذا الجزء باستنكار واضح: “طيب ليه بتعمل كده، عمال تكبر وتكتر في ذنوب الله أعلم هتعرف تمسحهم ولا لا ومفيش حاجة على أرض الواقع بتتغير بعد الشتيمه دي كلها !!”
نصيحة زيزو الأخيرة: فكر جيدًا فالدنيا فانية!
واختتم زيزو رسالته المؤثرة بنصيحة تدعو إلى التأمل والتفكير العميق في قيمة الحياة والأخلاق: “مش بتشوف كل الناس اللي فجأه مبقوش حواليك؟ دي مش حاجة تخليك تتعظ! تخليك تفكر أنا بعمل كده ليه وعشان آيه! فكر كويس عشان والله ما في حاجة مستاهله، إعرف أن رزقك كده كده ربنا كاتبه لك وأنت بتختار الطريقة اللي بيجيلك بيها الرزق فخليها دايما طريقك کویسة وأفتكر دايما إنها مش دایمه، صباحكم جميل”.