كشف سمير عبد التواب وكيل اللاعبين مفاجأة من العيار الثقيل حيث قال إن أحمد سيد زيزو لاعب الزمالك وقع لنادي قطري خلال الأيام الماضية.
وقال سمير عبد التواب في تصريحات تليفزيونية : “سمعت إن زيزو خلص في نادي قطري من أحد الوكلاء اللي في قطر قالي إنه وقع خلاص”.
وعن تورطه في صفقة كونراد ميشالاك: “ولا ليا أي علاقة بيه مرحتش ماتش حتى وهو بيلعب كل اللي بيتقال اني كنت وكيل في الصفقة دي غلط ومخدتش ولا جنيه من الزمالك في أي صفقة”.
وبشأن صفقات الزمالك قال: “أحمد الجفالي هيكون مفاجأة الدوري المصري لاعب مميز جدا، لكن الحقيقة موضوع ميكالي أنا معرفش عنه حاجة، وجهة نظري إن ميكالي مدرب منتخبات فقط لا يناسب الزمالك”.
وعن لجنة الكرة في الزمالك قال: “ليها دعم كبير جدا من مجلس إدارة نادي الزمالك وهي مكملة شغلها بشكل طبيعي”.