وصفة الرافيولي الكريمية بصوص الطماطم

لو عايزة وصفة سريعة ولذيذة ، النهاردة هنعمل مع بعض وصفة الرافيولي الكريمية بصوص الطماطم ، تابعي السطور الجاية واتعرفي على الطريقة بالخطوات والفيديو ، والوصفة مش هتاخد منك اكتر من 15 دقيقة في طاسة واحدة.

المكونات:

– 1 معلقة كبيرة زيت زيتون.

– 1 بصلة متقطعة مكعبات صغيرة.

– 2 فص ثوم مفرومين.

– 500 جرام رافيولي طازة (اختاري النكهة المفضلة عندك).

– 1 حبة فلفل احمر متقطع شرايح.

– ½ معلقة صغيرة من الاعشاب الايطالية (لو مش متوفرة جاهزة استخدمي خليط من الزعتر, الريحان, البردقوش, الروزماري, المرمرية, البقدونس).

– ½ معلقة صغيرة شطة.

– ½ معلقة صغيرة فلفل اسود.

– رشة ملح.

– 1 معلقة كبيرة صلصة طماطم.

– ¾ كوباية شوربة فراخ.

– 100 جرام طماطم متقطعة ومشوية في الفرن.

– 1/3 كوباية كريمة تقيلة.

– 3 كوبايات سبانخ صغيرة.

– ½ كوباية جبنة بارميزان مبشورة.

– 1 معلقة كبيرة بقدونس مفروم.

طريقة التحضير:

1- في طاسة كبيرة ضيفي زيت الزيتون وسخنيه على نار متوسطة ، ضيفي البصل وقلبيه لمدة 4 – 5 دقايق لحد ما يدبل ويطرى.

2- ضيفي الثوم وقلبيه مع البصل لمدة 30 ثانية مع التقليب المستمر.

3- دلوقتي ضيفي الرافيولي والفلفل الاحمر وقلبي لمدة دقيقة كمان مع التقليب المستمر.

4- ضيفي الاعشاب الايطالية, الشطة, الفلفل الاسود, الملح وقلبي وبعدين ضيفي صلصة الطماطم وقلبي مرة كمان وسيبي الخليط على النار لحد دقيقة.

5- ضيفي الطماطم المشوية, شوربة الفراخ, الكريمة ، قلبي المكونات وسيبيها على نار هادية لمدة 5 – 6 دقايق.

6- ضيفي السبانخ والجبنة البارميزان وسيبيهم لمدة دقيقة لحد ما الجبنة تدوب والسبانخ تدبل.

7- زينيها بالبقدونس المفروم وقدميها.

الطريقة بالفيديو: